118 №-li tam orta məktəb

"Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP 29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının təşkil edilməsi ilə bağlı Azərbaycan Respublikası Elm və Təhsil Nazirliyinin 2024-cü il üçün Tədbirlər Planı"na əsasən məktəbin coğrafiya müəllimi Səbuhi Şirinov 8d sinfində COP 29 çərçivəsində "İşğal altında olmuş torpaqlarda törədilən ekoloji terror" mövzusunda dərs keçdi.

Dərsin keçirilməsində məqsəd şagirdləri ekoloji terror barədə məlumatlandırmaq,eyni zamanda gələcəkdə işğaldan azad olunmuş torpaqlarda dövlətimiz tərəfindən görüləcək işlər barədə məlumatlandırmaqdan ibarətdir.

Psixi sağlamlıq – insanın psixi durumu, onun davranışlarının tənzimlənməsi, eyni zamanda sosial və bioloji amillərin təsiri ilə xarakterinin düzgün formalaşması ilə xarakterizə olunur. Psixi sağlamlıq insanın özünə və ətrafdakı insanlara olan münasibətdə, ümumilikdə bütün həyatı boyu müxtəlif hadisələrə, sosial və iqtisadi çətinliklərə qarşı münasibətində özünü büruzə verir.

Məktəbin çağırışaqədərki hazırlıq rəhbəri Anar Vəkilov fəaliyyət planına əsasən 30.04.2024 il tarixində məktəbin X sinif şagirdləri üçün "Psixoloji sağlamlıq" mövzusunda dərs təşkil etdi.Dərsdə məktəbin psixoloqu Səid Lətifli şagirdlərə psixoloji sağlamliq barədə geniş məruzə etdi.

Dərsin keçirilməsində məqsəd şagirdlərin psixoloji olaraq, sağlam və vətənpərvərlik ruhunda tərbiyə olunmasıdır.

Mayın 1-dən 2024-2025-ci tədris ili üzrə ümumi təhsil müəssisələrinin birinci siniflərinə şagird qəbuluna start verilir. Qəbul prosesi www.mektebeqebul.edu.az portalı vasitəsilə aparılacaq.

Elektron portalda 1 may saat 11:00-dan uşaqların qeydiyyatı, 3 may tarixindən isə Azərbaycan bölməsi üzrə sorğuların yerləşdirilməsi (məktəb və müəllim seçimi) həyata keçiriləcək.

Mayın 3-dən 17-dək dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı təşkil olunan müsahibəyə yazılmaq üçün qeydiyyat aparılacaq. Müsahibələr 7–30 may tarixlərində keçiriləcək. Müsahibədən uğurlu nəticə əldə edən uşaqların valideynləri 12 iyun–13 sentyabr tarixlərində məktəb və müəllim seçimi edə biləcəklər.

Birinci sinfə qəbulla bağlı digər suallarınıza müvafiq linkə daxil olaraq cavab əldə edə bilərsiniz.

Birinci sinfə sənəd qəbulu 13 sentyabr tarixinədək davam edəcək.

Məktəbin ibtidai sinif müəllimi Hatəmi Bahar 3 c sinfinin şagirdləri ilə birlikdə "Elm muzeyi"nə ekskursiya edib.

Muzeylərə ekskursiyaların təşkil olunmasının məqsədi şagirdləri ölkəmizin qədim tarixi, milli mənəvi dəyərləri barədə daha ətraflı məlumatlandırmaq, məktəblilərin asudə vaxtlarını səmərəli təşkil etmək, onların dünyagörüşünü, bilik və bacarıqlarını artırmaqdan ibarətdir.

"Yaşıl dünya naminə həmrəylik ili" çərçivəsində Akademik Zərifə Əliyevanın doğum gününə həsr olunmuş intellektual yarış keçirildi.

25.04.2024 cü il tarixində məktəbin biologiya müəllimlərinin birgə təşkilatçılığı ilə Vll sinif şagirdləri arasında biologiyadan intellektual yarış keçirildi.

Yarışda 6 komanda hər komandada 6 nəfər şagird iştirak edirdi.

Yarışın keçirilməsində məqsəd şagirdlərin biologiya fənni üzrə biliklərinin yoxlanılması və onların komanda ilə işləmək bacarıqlarının artırılmasıdır.

Yarışda 7 c sinfinin "Qarabağ" komandası qalib gəldi.

Yarışın sonunda 3 yer üzrə şagirdlər diplomla təltif olundu.