283 №-li tam orta məktəb

Aprelin 16 – da  məktəbin kitabxana müdiri Sevinc Rəhimovanın təşkilatçılığı ilə  Bakı Şəhəri üzrə Təhsil İdarəsinin “Dəyərlərimizi qoruyaq” adlı layihəsi çərçivəsində "Milli dəyərlərimiz tariximiz, mövcudluğumuz, kimliyimizdir" adlı tədbir keçirildi.

Adətlər, ənənələr və mərasimlər Azərbaycan xalqının zəngin mədəni irsidir. Bu məqsədlə tədbirdə İştirakçilara milli dəyərlərimizə həsr olunmuş kitab sərgisi və qədim əşyalar nümayiş olundu. 8^b sinif şəgirdləri Qönçə Mürşüdlü, Amil Rzayev, Müslüm Əhmədov, Fatimə Səlimli, İsmayıl Oğuz, Fidan Qədirova hər bir bölgənin adət - ənənələrini, milli dəyərlərini əks etdirən şəkillər əsasında çıxışlar etdilər. 

Tədbirin keçirilməsində əsas məqsəd şagirdlərdə milli ruhu oyatmaq, Azərbaycanın qədim abidələrini, daş yaddaşını, yaşam tərzini, milli əxlaqi dəyərlərini, milli mədəniyyətini yaxından tanıtmaq olmuşdur.

Sevinc Rəhimova xalqımızın mənəvi dünyasını zənginləşdirən, tariximizi, mədəniyyətimizi ucaldan, milli dəyərlərimizi qoruyub saxlamaq hər bir vətəndaşın müqəddəs borcu olduğunu iştirakçıların diqqətinə çatdırdı.

Aprelin 16 – da  məktəbdənkənar və sinifdənxaric işlər üzrə təşkilatçı Sevda Rzayevanın, UBTR Samirə İbrahimovanın, məktəbin həkimi Ülviyyə Mirzəyevanın, tibb bacısı Yeganə Daşdəmirovanın, məktəbin biologiya müəllimi Nəzakət Məmmədlinin təşkilatçılığı ilə 8^ç sinif şagirdləri ilə “Qohum nikahlar genetik xəstəlikləri artıran önəmli faktordur” adlı maarifləndirici görüş keçirildi.

Məktəbin biologiya müəllimi Nəzakət Məmmədli qohumlar arasında nikahın bir sıra bioloji, psixoloji, fizioloji, mənəvi və sosial-iqtisadi fəsadları haqqında zəruri informasiyaları şagirdlərə ötürdü. Nəzakət Məmmədli xüsusilə qeyd etdi ki, müxtəlif təbii coğrafi iqlim şəraitində böyüyən bütün bioloji orqanizmlər həmin mühitə orqanizmin adaptasiya olunması üçün xüsusi genlər hazırlayır. Müxtəlif təbii coğrafi iqlim şəraitində böyüyən insanlarda fərqli təbii genetik proqram formalaşdığını söylədi. Əgər bu cür ayrı-ayrı insanlar ailə qurursa, yeni nəslin daha çox fərqli genlər almaq şansı artdığını qeyd etdi.  Qohum evliliyindən doğulan uşaqlar günümüzün xəstəliklərinə qarşı davamsız olduğunu şagirdlərin diqqətinə çatdırdı.

Məktəbin həkimi Ülviyyə Mirzəyeva qohum evlilikləri zamanı orqanizmində xromosomlar və onların genlərində baş verən dəyişikliklərin nəticəsində yaranan irsi xəstəliklər olan hemofiliya, talassemiya, daun sindiromu, şəkər xəstəlikləri haqqında danışdı. Doğulan fiziki məhdudiyyətli uşaqların əksəriyyətinin qohum evliliklər nəticəsində dünyaya gəldiyini qeyd etdi. 

Məktəbin məktəbdənkənar və sinifdənxaric işlər üzrə təşkilatçısı Sevda Rzayeva iştirakçılara öz təşəkkürünü bildirərək, bu istiqamətdə maarifləndirmə işlərinin aparılmasını və insanlara qohum evliliklərinin mənfi fəsadları haqqında zəruri informasiyaların verilməsi istiqamətində görülən işlərin təqdirəlayiq olduğunu söylədi.

          Aprelin 15 – də məktəbdənkənar və sinifdənxaric işlər üzrə tə.kilatçı Sevda Rzayevanın, UBTR Samirə  İbrahimovanın, məktəbin psixoloqu Ülkər Məmmədlinin təşkilatçılığı ilə 8^a sinif şagirdləri ilə  “Erkən nikahın fəsadları” adlı maarifləndirici görüş keçirildi.

        Məktəbin psixoloqu Ülkər Məmmədli çıxışı zamanı yetkinlik yaşına çatmayanların hüquqlarının müdafiəsi, cəmiyyətin əsas sosial problemlərindən biri olan erkən nikahla mübarizə ilə əlaqədar həyata keçirilən tədbirlər, normativ hüquqi aktlarda nikah yaşı, erkən nikahı yaradan səbəblər, onların fəsadları, erkən nikaha məcbur edilən qızların fiziki və psixoloji vəziyyətlərində yaranan problemlər barədə geniş məlumat verdi. Eyni zamanda Azərbaycan Respublikasının Cinayət Məcəlləsində yetkinlik yaşına çatmayan şəxsləri nikaha daxil olmağa məcbur edən şəxslər barədə nəzərdə tutulan cinayət məsuliyyəti haqqında şagirdləri məlumatlandırdı.

          Görüş qarşılıqlı müzakirələrlə davam etdirildi və iştirakçıları maraqlandıran suallar cavablandırılıb.

3 martda keçirilmiş tam (11 illik) orta təhsil səviyyəsi üzrə buraxılış imtahanlarının nəticələri elan olunub. Nəticələrə əsasən məktəbin 32 nəfər şagirdi(Azərbaycan bölməsi üzrə 27 nəfər, rus bölməsi üzrə 5 nəfər) 200 baldan yüksək bal toplamışdır. Yüksək nəticə göstərən şagirdləri təbrik edir və növbəti mərhələdə uğurlar arzu edirik.

Martın 29 – da məktəbin tarix müəllimi Şəfiqə Tağıyevanın təşkilatçılığı ilə 31 Mart soyqırım gününə həsr olunmuş "Tariximizin qan yaddaşı" adlı dəyirmi masa keçirildi. Dəyirmi masa Azərbaycan Respublikasınını Dövlət Himninin səsləndirilməsi ilə başladı. Soyqırım qurbanlarının, vətənimizin azadlığı və ərazi bütövlüyü uğrunda canlarından keçmiş bütün şəhidlərimizin əziz xatirəsi 1 dəqiqəlik sükutla yad edildi.

Təşkilatçı Şəfiqə Tağıyeva çıxış edərək bildirdi ki, Ümummilli lider, ulu öndər Heydər Əliyevin "Azərbaycanlıların soyqırımı" haqqında 26 mart  1998-ci il tarixli fərmanı ilə bu soyqırıma əsl hüquqi qiymət verilmişdir. Şəfiqə Tağıyeva minlərlə dinc azərbaycanlı əhalinin yalnız milli mənsubiyyətinə görə məhv edilməsini, evlərə od vurulmasını, insanları olmazın işgəncələrlə öldürülməsini, milli memarlıq incilərinin, məktəblərin, xəstəxanaların, məscid və digər abidələrin dağıdılmasını, Bakı və digər bölgələrin böyük bir hissəsinin ermənilər tərəfindən xarabalığa çevrildiyini söylədi.

Şagirdlər soyqırıma həsr olunmuş şeirlər səsləndirib, səhnəciklər nümayiş etdirdilər və təqdimatlarında ulu öndər Heydər Əliyevin uğurlu siyasətini davam etdirən Ali Baş Komandan İlham Əliyevin rəhbərliyi ilə 44 günlük Vətən müharibəsində həm torpaqlarımızın azad edildiyi, həm də şəhidlərimizin və soyqırım qurbanlarının  qisasinın  alındığını qeyd etdilər.

Sonda məktəbdənkənar və sinifdənxaric işlər üzrə təşkilatçı Sevda Rzayeva tədbir iştirakçılarına təşəkkürünü bildirərək müasir gəncliyin əsas  vəzifəsinin tariximizi dəqiq  öyrənməli və qonşularımızın  kimlər  olduğunu heç vaxt yaddan çıxarmamalarını söylədi. Sevda Rzayeva soyqırım zamanı xüsusi amansızlıqla, ağlasığmaz işgəncələrlə qətlə yetirilənlər sırasında azyaşlıların və silahsız qadınların olması faktının faciənin ağırlığını bir daha sübut etdiyini vurğuladı.