95 №-li tam orta məktəb

    23.04.2024-cü il tarixində məktəbin 0”Ç” məktəbəhazırlıq qrupunda dərs “Ümumdünya Kitab Günü”nə həsr edildi. Müəllim Aygün Dadaşovanın rəhbərliyi ilə uşaqlar şeirlər söyləyib, nəğmələr səsləndirildi. Uşaqlar əlifbanın hər bir hərfinə aid kəlmələr dedilər, rəqəmlərə aid şeirlər söylədilər. Məktəbin kitabxanaçısı Fəxriyyə Cəfərova da dərsdə iştirak edərək kitab oxumağın faydaları haqqında bəhs etdi. Şagirdlərdən sonuncu dəfə hansı kitabı oxuduqları haqqında məlumat aldı.

     Kitablar hər birimizin dostudur!

    23 aprel 2024-cü il tarixində ingilis dili  müəllimi Esmira Cəfərova 6”A” sinfində “Save the Earth” – “Yer kürəsini qoruyun” mövzusunda tədbir keçirdi. Tədbirdə şagirdlər planetin necə qorunması, ətraf aləmin çirklənməsi haqqında  hazırladıqları layihələri təqdim etdilər. Planetin qorunması üçün nəyi etmək olar, nəyi etmək olmaz mövzusunda kiçik bir tamaşa nümayiş etdirdilər. Sonda şagirdlər Yer kürəsi haqqında mahnı ifa etdilər, video-çarx nümayiş olundu.

    Tədbirdə həmçinin məktəbin ingilis dili fənni üzrə metodbirləşmə sədri Müzəyyan Şıxıyeva, müəllimlərdən Mahirə Cabbarova, Vəfa Nadirova, sinif rəhbəri Mehparə Bəxtiyarova iştirak etdilər.

     23 aprel - “Beynəlxalq Kitab və Müəlliflik Hüquqları Günü” 1995-ci ildə UNESCO tərəfindən təsdiq edilmişdir. Kitabxanaya və kitablara olan diqqət hər bir ölkənin inkişaf və tərəqqisində başlıca göstəricidir. 

    “Beynəlxalq Kitab və Müəlliflik Hüquqları Günü” münasibətilə məktəbin kitabxanaçısı Fəxriyyə Cəfərova və 4"Ç" sinif rəhbəri Dilarə Hüseynova şagirdlərlə birlikdə “Dəyirmi masa” keçirdi. “Dəyirmi masa”da kitablarla bağlı müzakirələr aparıldı. Kitabxanaçı şagirdləri yeni kitablarla tanış etdi. Sonda şagirdlərə hədiyyə kitablar verildi.

    22 aprel "Beynəlxalq Yer Günü" ilə əlaqədar məktəbin ingilis dili müəllimi Humay Həmidli 9”A” sinif  şagirdləri ilə mövzuya uyğun “Dəyirmi masa” təşkil etdi.

   “Dəyirmi masa”da Yer kürəsi və ətraf mühiti qorumağın yolları haqqında müzakirələr aparıldı. Şagirdlər də öz növbəsində təqdimatlar hazırlayıb nümayiş etdilər.

    19.04.2024-cü il tarixində məktəbin müəllim və şagird kollektivi  “Bilim Bakı” mərkəzinə ekskursiya etmişlər. Ekskursiyada 6-8, 9-11, 12-14 yaşlı şagird kollektivindən ibarət qruplar təşkil olunmuşdur. Hər yaş qrupu 15 nəfərlik şagird kollektivindən ibarət idi. Hər bir qrup yaş kateqoriyasına uyğun olaraq laboratoriyalarda fəaliyyət göstərmişlər. Şagirdlər təlimatı dinləyərək layihə hazırlayıblar.

    Ekskursiyaya tərbiyə işi üzrə direktor müavini Rahil Hüseynov rəhbərlik etmişdir. Ekskursiyada ibtidai sinif müəllimi Aygün Dadaşova və məktəbin kitabxanaçısı Fəxriyyə Cəfərova da iştirak etmişdir.